18 വയസിനു മുകളിലുള്ളവർക്കുള്ള കോവിഡ് വാക്സിനേഷന് ദിവസങ്ങൾക്ക് മുൻപാണ് അനുമതിയായത്. ഇപ്പോൾ കോവിഡ് വാക്സിൻ സ്വീകരിച്ചിരിക്കുകയാണ് നടൻ നീരജ് മാധവ്. സോഷ്യൽ മീഡിയ പോസ്റ്റിലൂടെയായിരുന്നു താരം വിവരം അറിയിച്ചത്. 

കരുത്തരാകുന്നു. ആദ്യ ഡോസ് വാക്സിൻ സ്വീകരിച്ചു. ഇനി ഒന്നു കൂടി. നിങ്ങളും കൊവിഡ് വാക്സിനെടുക്കുക. വ്യാജ വാര്‍ത്തകളെ അഗവണിക്കുക, ഈ നടപടി ക്രമത്തില്‍ വിശ്വസിക്കുക- കോവിഡ് വാക്സിൻ സ്വീകരിക്കുന്നതിന്റെ ചിത്രത്തിനൊപ്പം താരം കുറിച്ചു. 

താരത്തെ പ്രശംസിച്ച് നിരവധി കമന്റുകൾ വരുന്നതിനൊപ്പം വാക്സിൻ ക്ഷാമത്തെക്കുറിച്ചും പരാമർശിക്കുന്നുണ്ട്. എവിടെ നിന്നാണ് വാക്സിനെടുത്തത് എന്നാണ് പലരുടേയും ചോദ്യം. ഫെബ്രുവരിയാലാണ് താരത്തിന് പെൺകുഞ്ഞ് ജനിച്ചത്. അച്ഛനായിട്ടുള്ള ആദ്യ ജന്മദിനവും താരം ആഘോഷമാക്കിയിരുന്നു.