ആദ്യമായി മകൾ മാൾട്ടി മേരിയുടെ മുഖം വെളിപ്പെടുത്തി നടി പ്രിയങ്ക ചോപ്രയും ​ഗായകൻ നിക് ജൊനാസും. നിക്കിന്റെയും സഹോദരന്മാരുടെയും മ്യൂസിക് ബാൻഡ് ആയ ജൊനാസ് ബ്രദേഴ്‌സിന്റെ പരിപാടിയിൽ പങ്കെടുക്കാനാണ് അമ്മയ്‌ക്കൊപ്പം മാൾട്ടി എത്തിയത്. ആദ്യമായി മാൾട്ടിയുടെ മുഖം കാണാൻ സാധിച്ചതിന്റെ സന്തോഷത്തിലാണ് ആരാധകർ. ഇതുവരെ ഇമോജി വെച്ച് മറച്ചും മുഖം കാമറയ്ക്ക് മുന്നിൽ വരാത്ത തരത്തിലുമായിരുന്നു മകളുടെ ചിത്രങ്ങൾ പ്രിയങ്കയും നിക്കും പങ്കുവെച്ചിരുന്നത്.

മാൾട്ടിക്ക് ഒരു വയസ് പൂർത്തിയായ ശേഷമാണ് ഇരുവരും മാൾട്ടിയുടെ മുഖം കാമറയ്ക്ക് മുന്നിൽ കൊണ്ടുവന്നത്. സമൂഹമാധ്യമങ്ങളിലും പ്രിയങ്കയുടെ മടിയിൽ ചിരിച്ച് കളിച്ചിരിക്കുന്ന മാൾട്ടിയാണ് താരം. ആറാം മാസത്തിൽ ജനിച്ച കുഞ്ഞാണ് മാൾട്ടി. ജനിച്ച് മൂന്ന് മാസത്തിലേറെ എൻഐസിയുവിൽ ആയിരുന്നു. മകളെ തിരിച്ച് കിട്ടുമെന്ന് പോലും പ്രതീക്ഷയില്ലായിരുന്നെന്ന് പ്രിയങ്ക അടുത്തിടെ വോ​ഗിന് നൽകിയ അഭിമുഖത്തിൽ പറഞ്ഞിരുന്നു.

അതേസമയം അച്ഛൻ നിക്കിന്റെ തനിപ്പകർപ്പാണ് മാൾട്ടിയെന്നാണ് ആരാധകരുടെ അഭിപ്രായം. 2022 ജനുവരി 15നാണ് നിക്കിനും പ്രിയങ്കയ്ക്കും വാടക ​ഗർഭധാരണത്തിലൂടെ പെൺകു‍ഞ്ഞ് ജനിച്ചത്. മാൾട്ടി മേരി ചോപ്ര ജൊനാസ് എന്നാണ് മുഴുവൻ പേര്. 2018ലാണ് പ്രിയങ്കയും നിക്കും വിവാഹിതരായത് 2017ൽ മെറ്റ്‌​ഗാല പുരസ്‌കാര വേദിൽ വെച്ച് കണ്ടുമുട്ടിയ ഇരുവരും പ്രണയത്തിലായിരുന്നു.

ഈ വാര്‍ത്ത കൂടി വായിക്കൂ 

'ഏറെ അഭിമാനിക്കുന്നു', മോഹിനിയാട്ടത്തിൽ അരങ്ങേറ്റം കുറിച്ച് ​അമ്മ, വൈറലായി മഞ്ജുവിന്റെ പോസ്റ്റ്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ