ദീപാവലി ഗംഭീരമായ ആഘോഷമാക്കിയിരിക്കുകയാണ് ബോളിവുഡ് താരങ്ങള്‍. പ്രശസ്ത ഡിസൈനര്‍ മനീഷ് മല്‍ഹോത്ര, നിര്‍മാതാവ് ഏക്ത കപൂര്‍, നടന്‍ ഷാരൂഖ് ഖാന്‍, താരജോഡികളായ സെയ്ഫ് അലി ഖാന്‍-കരീന കപൂര്‍, നടി ശില്‍പാ ഷെട്ടി എന്നിവരെല്ലാം സുഹൃത്തുക്കള്‍ക്കായി ദീപാവലി ആഘോഷം സംഘടിപ്പിച്ചു. വ്യത്യസ്തമായ വസ്ത്രങ്ങളില്‍ എല്ലാ താരങ്ങളും തിളങ്ങി.
കിയാര അദ്വാനി, അനന്യ പാണ്ഡെ, സാറ അലി ഖാന്‍, ഭൂമി പട്നേക്കര്‍, ശോഭിത ധൂലിപാല, കൃതി സനന്‍, ഡയാന പെന്റി എന്നിവര്‍ വേഷത്തിലും ലുക്കിലും തിളങ്ങി.
ചുവന്ന ഷിഫോണ്‍ സാരിയില്‍ സുന്ദരിയായി തിളങ്ങുന്നുണ്ടായിരുന്നു കരീന. കറുപ്പ് കുര്‍ത്തയായിരുന്നു രണ്‍ബീറിന്റെ വേഷം. പര്‍പ്പിള്‍ നിറത്തിലുള്ള സല്‍വാറായിരുന്നു നടി സാറാ അലി ഖാന്റെ ഔട്ട്ഫിറ്റ്. ചുവപ്പ് സാരിയണിഞ്ഞ് സോഹയും പരിപാടിക്കെത്തി.
ഗോള്‍ഡ് വെല്‍വെറ്റ് ലെഹങ്കയില്‍ രാജകുമാരിയെപ്പോലെയാണ് കിയാര ചടങ്ങിനെത്തിയത്. അലസമായി അഴിച്ചിട്ട ഹെയര്‍സ്‌റ്റൈലും ശ്രദ്ധിക്കപ്പെട്ടു. പിങ്ക് നിറത്തിലുള്ള ലെഹങ്കയി തിളങ്ങുന്നുണ്ടായിരുന്നു സാറ. സില്‍വര്‍ നിറത്തിലുള്ള സ്ലീവ്ലെസ് ബ്ലൗസും സില്‍വര്‍ ബോര്‍ഡറുള്ള പിങ്ക് ഷാളും ലെഹങ്കയ്ക്കൊപ്പം ഭംഗി കൂട്ടി.
മഞ്ഞ ലെഹങ്കയില്‍ അനന്യ പാണ്ഡെയും പച്ചയും നീലയും കലര്‍ന്ന നിറങ്ങളില്‍ ഭൂമി പട്‌നേക്കറും എത്തി. സില്‍വര്‍ കളര്‍ സാരിയില്‍ സിംപിള്‍ ലുക്കിലാണ് ശോഭിത എത്തിയത്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ