'ഗെയിം ചേഞ്ചര്‍' അപ്‌ഡേറ്റ്‌സ് ഇല്ല, 'ഉത്തരവാദിത്തമില്ലാത്ത സംവിധായകന്‍'; ശങ്കറിനെതിരെ രാം ചരണ്‍ ആരാധകര്‍
സമൂഹമധ്യമങ്ങളില്‍ സംവിധായകന്‍ എസ് ശങ്കറിനെതിരെ രൂക്ഷ വിമര്‍ശനവുമായി നടന്‍ രാം ചരണ്‍ ആരാധകര്‍. രാം ചരണിനെ നായകനാക്കി ശങ്കര്‍ സംവിധാനം ചെയ്യുന്ന ഗെയിം ചേഞ്ചര്‍ എന്ന ചിത്രത്തിന്റെ അപ്‌ഡേറ്റുകളൊന്നും പുറത്തുവിടാത്തതാണ് ആരാധകരെ ചൊടിപ്പിച്ചത്.
'ഉത്തരവാദിത്തമില്ലാത്ത സംവിധായകന്‍' എന്നാണ് ശങ്കറിനെ താരത്തിന്റെ ആരാധകര്‍ വിശേഷിപ്പിച്ചത്. സംവിധായകനെതിരെ ഹാഷ് ടാഗ് ക്യാമ്പയിനും ട്രോളുകളും സോഷ്യല്‍മീഡിയകളില്‍ സജീവമാണ്. ചിത്രത്തിന്റെ നിര്‍മാതാവിനെതിരെയും വിമര്‍ശനം ഉയരുന്നുണ്ട്.
പൊളിറ്റിക്കല്‍ വിഭാഗത്തില്‍ പെടുന്ന ചിത്രം 2021ലാണ് പ്രഖ്യാപിക്കുന്നത്. 2023ലാണ് ചിത്ത്രതിന്റെ ടൈറ്റില്‍ പ്രഖ്യാപിക്കുന്നത്. ജയറാം, അഞ്ജലി, സമുദ്രക്കനി, എസ്‌ജെ സൂര്യ ശ്രീകാന്ത് തുടങ്ങിയവരാണ് ചിത്ത്രതില്‍ മറ്റ് പ്രധാനകഥാപാത്രങ്ങളെ അവതരിപ്പിക്കുന്നത്. കാര്‍ത്തിക് സുബ്ബരാജാണ് ചിത്രത്തിന്റെ കഥ എഴുതുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ