ശ്രീനഗര്‍: ജമ്മു കാശ്മീരിലെ പുല്‍വാമ ജില്ലയിലുണ്ടായ ഭീകരാക്രമണത്തില്‍ എട്ട് സുരക്ഷാ സൈനികര്‍ കൊല്ലപ്പെട്ടു. മൂന്ന് ഭീകരരും ഏറ്റുമുട്ടലില്‍ മരിച്ചതായാണ് റിപ്പോര്‍ട്ടുകള്‍. പോലീസ് കോംപ്ലക്‌സിനു നേരെ തീവ്രവാദികള്‍ ചാവേറാക്രമണം നടത്തുകയായിരുന്നു. ജമ്മു കാശ്മീര്‍ പോലീസ്, സിആര്‍പിഎഫ് ഉദ്യോഗസ്ഥരും താമസിക്കുന്ന സ്ഥലത്തേക്ക് ശനിയാഴ്ച രാവിലെയാണ് ആക്രമണമുണ്ടായത്.
പിന്നീടുണ്ടായ വെടിവെയ്പ്പിലാണ് സുരക്ഷാ സൈനികര്‍ക്കു വെടിയേറ്റത്. ഏറ്റുമുട്ടലിനു ശേഷം നടത്തിയ പരിശോധനയില്‍ കണ്ടെത്തിയ സ്‌ഫോടക വസ്തുക്കള്‍ നിര്‍വീര്യമാക്കുന്നതിനിടയില്‍ രണ്ടു സൈനികര്‍ക്കു ജീവന്‍ നഷ്ടമാവുകയായിരുന്നു. കോംപ്ലക്‌സില്‍ താമസിക്കുന്ന സുരക്ഷാ സൈനികരുടെയും പോലീസിന്റെയും കുടുംബങ്ങളെ മാറ്റിയതിനു ശേഷമാണ് സൈന്യം ഭീകരര്‍ക്കു നേരെ തിരിച്ചടിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ