ഹൈദരാബാദ്: തര്‍ക്കഭൂമിയായ അയോദ്ധ്യയില്‍ രാമക്ഷേത്രം പണിയുമെന്ന ആര്‍എസ്എസ് അധ്യക്ഷന്‍ മോഹന്‍ ഭഗവതിന്റെ പ്രസ്താവന എന്തടിസ്ഥാനത്തിലാണെന്ന് ഓള്‍ ഇന്ത്യ മജ്‌ലിസെ ഇത്തിഹാദുല്‍ മുസ്‌ലിം പ്രസിഡന്റ് അസദുദ്ദീന്‍ ഉവൈസി.
'കോടതിയുടെ പരിഗണനയിലുള്ള കേസില്‍ തീര്‍പ്പ് പറയാന്‍ മോഹന്‍ ഭഗവതിന് എന്ത് അധികാരമാണുള്ളത്. അയോദ്ധ്യ കേസ് സുപ്രീംകോടതിയുടെ പരിഗണനയിലാണ്. തര്‍ക്കഭൂമിയില്‍ ക്ഷേത്രം പണിയുമെന്ന് പറയാന്‍ മോഹന്‍ ഭഗവത് ആരാണ്'- ഉവൈസി ചോദിച്ചു.
നവംബര്‍ 24 ന് കര്‍ണാടകയിലെ ഉഡുപ്പിയില്‍ നടന്ന വിശ്വഹിന്ദു പരിഷത്തിന്റെ 'ധര്‍മ സന്‍സദി'ലാണ് അയോധ്യയില്‍ രാമക്ഷേത്രം പണിതീര്‍ക്കുമെന്ന് മോഹന്‍ ഭഗവത് പറഞ്ഞത്. തര്‍ക്കഭൂമിയിലെ കല്ലുകള്‍കൊണ്ട് തന്നെ രാമക്ഷേത്രം പണിയുമെന്നും ഭഗവത് പറഞ്ഞിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ