ന്യൂഡെല്‍ഹി: ഇന്ധനവില എല്ലാദിവസവും പുതുക്കാന്‍ പൊതുമേഖലാ എണ്ണ കമ്പനികളുടെ തീരുമാനം.സംവിധാനം ഈ മാസം 16ന് നിലവില്‍ വരും. അഞ്ചുനഗരങ്ങളില്‍ കഴിഞ്ഞ മാസം പരീക്ഷണാടിസ്ഥാനത്തില്‍ പദ്ധതി നടപ്പാക്കിയിരുന്നു.
പതിനഞ്ച് ദിവസം കൂടുമ്പോള്‍ ഇന്ധനവില പുതുക്കുന്ന രീതിയായിരുന്നു നേരത്തെ എണ്ണ കമ്പനികള്‍ സ്വീകരിച്ചത്. പരീക്ഷണാടിസ്ഥാനത്തില്‍ പുതുച്ചേരി, വിശാഖപട്ടണം, ഉദയ്പൂര്‍, ജംഷഡ്പൂര്‍, ചണ്ഡീഗഡ് എന്നിവിടങ്ങളില്‍ എല്ലാദിവസവും എണ്ണ വില പുതുക്കിയിരുന്നു. ഇന്ധന വില ദിവസവും പുതുക്കുമ്പോള്‍ ഉണ്ടാകുന്ന പ്രശ്‌നങ്ങള്‍
മനസിലാക്കാനും പരിഹരിക്കാനുമായിരുന്നു പരീക്ഷണാടിസ്ഥാനത്തില്‍ പദ്ധതി നടപ്പാക്കിയത്. പരീക്ഷണാടിസ്ഥാനത്തില്‍ പദ്ധതി വിജയമായ സാഹചര്യത്തിലാണ് പൊതുമേഖലാ എണ്ണ കമ്പനികളുടെ തീരുമാനം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ