ന്യൂഡല്‍ഹി: മോട്ടോര്‍ വാഹന നിയമഭേദഗതി ബില്ലിനെതിരെ ജൂണ്‍ മൂന്നാംവാരം രാജ്യവ്യാപക പണിമുടക്കു നടത്തും. റോഡ് ഗതാഗത മേഖലയിലെ തൊഴിലാളിസംഘടനകളുടെ കോഓര്‍ഡിനേഷന്‍ കമ്മിറ്റിയാണ് ഇക്കാര്യം പ്രഖ്യാപിച്ചത്. പണിമുടക്കു തീയതി പിന്നീട് തീരുമാനിക്കും.
ബജറ്റ് സമ്മേളനകാലത്ത് രാജ്യസഭയില്‍ ഈ ബില്‍ അവതരിപ്പിച്ചാല്‍ പിറ്റേദിവസം രാജ്യമെമ്പാടും പണിമുടക്ക് ഉള്‍പ്പെടെയുള്ള പ്രതിഷേധപരിപാടികള്‍ സംഘടിപ്പിക്കാനും മുംബൈയില്‍ ചേര്‍ന്ന യോഗം തീരുമാനിച്ചു.
കോഓര്‍ഡിനേഷന്‍ കമ്മിറ്റി യോഗത്തില്‍ എഐആര്‍ടിഡബ്ല്യുഎഫ് (സിഐടിയു), എച്ച്എംഎസ്, ഐഎന്‍ടിയുസി, എല്‍പിഎഫ്, ടിടിഎസ്എഫ്, ജിഎസ്ആര്‍ടിസി, ടിഎസ്ആര്‍ടിസിടിഎംയു, ടിയുസിഐ എന്നീ സംഘടനകളുടെ പ്രതിനിധികള്‍ പങ്കെടുത്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ