മുസാഫർനഗർ: ലൈംഗിക പീഡന പരാതിയിൽ കേസെടുക്കാൻ പൊലീസ് തയ്യാറാകാത്തതിൽ മനംനൊന്ത് ദളിത് യുവതി ആത്മഹത്യ ചെയ്തു. യോഗി ആദിത്യനാഥിന്റെ ഉത്തർപ്രദേശിലാണ് രാജ്യത്തിന് അപമാനമായി മറ്റൊരു ലൈംഗിക പീഡനക്കേസ് കൂടി പുറത്തുവന്നത്. മുസാഫർനഗറിലെ റായ്പുരിലായിരുന്നു സംഭവം.
ചുടുകട്ട നിർമാണ തൊഴിലാളിയായിരുന്ന ദളിത് യുവതിയെ രണ്ടു പേരാണ് അപമാനിച്ചത്. സംഭവത്തിൽ പരാതിയുമായി യുവതിയും ഭർത്താവും ഫുഗാന പോലീസ് സ്റ്റേഷനിൽ എത്തിയെങ്കിലും കേസെടുക്കാൻ പോലീസ് തയാറായില്ല. ഇതോടെ മാനസിക സമ്മർദത്തിലായ യുവതി വീടിനുള്ളിൽ തൂങ്ങിമരിക്കുകയായിരുന്നു. സംഭവം വിവാദമായതോടെ എസ്ഐ സുഭാഷ് ചന്ദയെ അന്വേഷണ വിധേയമായി സസ്പെൻഡ് ചെയ്തു.
യുവതിയുടെ പരാതിയുടെ അടിസ്ഥാനത്തിൽ ആരോപണ വിധേയരായ രണ്ടുപേരെ അറസ്റ്റുചെയ്തതായി പൊലീസ് അറിയിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ