ന്യൂഡല്ഹി: ഇന്ത്യയുടെ പുതിയ മുഖ്യ തിരഞ്ഞെടുപ്പ് കമ്മീഷണറായി സുനില് അറോറ ചുമതലയേറ്റു. സുനില് അറോറയെ ചീഫ് ഇലക്ഷന് കമ്മീഷണറായി രാഷ്ട്രപതി രാംനാഥ് കോവിന്ദ് നിയമിച്ചിരുന്നു. മുഖ്യ തിരഞ്ഞെടുപ്പ് കമ്മീഷണറായിരുന്ന ഒ.പി.റാവത്തിന്റെ കാലാവധി ഇന്നലെ അവസാനിച്ചിരുന്നു.
ഇതേത്തുടര്ന്നാണ് തിരഞ്ഞെടുപ്പ് കമ്മീഷണറായിരുന്ന സുനില് അറോറയെ പുതിയ മുഖ്യ തെരഞ്ഞെടുപ്പ് കമ്മീഷണറായി നിയമിച്ചത്.1980 ബാച്ച് രാജസ്ഥാന് കേഡറിലെ ഐഎഎസ് ഉദ്യോഗസ്ഥനാണ് സുനില് അറോറ.
2019ലെ ലോക്സഭാ തിരഞ്ഞെടുപ്പ് സുനില് അറോറയുടെ കീഴിലായിരിക്കും നടക്കുക. കൂടാതെ ജമ്മുകശ്മീര്, ഒഡീഷ, മഹാരാഷ്ട്ര, ഹരിയാന, ആന്ധ്രപ്രദേശ്, സിക്കിം എന്നീ സംസ്ഥാനങ്ങളില് അടുത്ത വര്ഷം നടക്കുന്ന തെരഞ്ഞെടുപ്പിനും സുനില് അറോറയാകും നേതൃത്വം നല്കുക.
വാര്ത്താവിനിമയ പ്രക്ഷേപണ മന്ത്രാലയത്തിന്റേയും നൈപുണ്യ വികസനസംരഭകത്വ മന്ത്രാലയത്തിന്റെയും സെക്രട്ടറിയായും സുനില് അറോറ സേവനമനുഷ്ടിച്ചിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ