ഗാന്ധിനഗര്‍: രാജ്യത്തെ ഏറ്റവും സന്തുഷ്ടരായ മുസ്ലീങ്ങള്‍ ഗുജറാത്തിലാണെന്ന് മുഖ്യമന്ത്രി വിജയ് രൂപാനി. സംസ്ഥാന മുസ്ലീം വഖഫ് ബോഡ് സംഘടിപ്പിച്ച പരിപാടിയില്‍ സംസാരിക്കുകയായിരുന്നു അദ്ദേഹം. മുസ്ലീം സമുദായത്തെ കോണ്‍ഗ്രസ് തെരഞ്ഞടുപ്പ് നേടത്തിന് മാത്രമായി ഉപയോഗിക്കുകയാണ്. ഇക്കാര്യം സച്ചാര്‍ റിപ്പോര്‍ട്ടില്‍ വ്യക്തമാണെന്നും അദ്ദേഹം പറഞ്ഞു.
ഇന്ത്യയില്‍ നിന്നും ഏറ്റവും കൂടുതല്‍ മുസ്ലീങ്ങള്‍ ഹജ്ജ് കര്‍മ്മം നടത്തുന്നത് ഗുജറാത്തില്‍ നിന്നാണ്. സംസ്ഥാനത്തിന്റെ സമഗ്രമായ പുരോഗതിക്ക് കാരണം ഇവിടെ നിലനില്‍ക്കുന്ന സാമൂദായിക ഐക്യമാണ്. സംസ്ഥാനം ബിജെപി ഭരിക്കുന്ന കാലയളവിലാണ് മുസ്ലീങ്ങള്‍ക്ക് മികച്ച രീതിയില്‍ മുന്നേറാനായത്. എല്ലാ കാലത്തും ഹിന്ദുക്കളെയും മുസ്ലീങ്ങളെയും ഭിന്നിപ്പിക്കാനാണ് കോണ്‍ഗ്രസ് സര്‍ക്കാരുകള്‍ ശ്രമിച്ചത്. ഒരു തവണ കൂടി ബിജെപിയെ അധികാരത്തിലേറ്റിയാല്‍ രാജ്യത്തെ വര്‍ഗീയ ലഹളയ്ക്ക് അന്ത്യമാകുമെന്നും അദ്ദേഹം പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ