ആര്‍എസ്എസ് മേധാവി മോഹന്‍ ഭാഗവതിനെ പരിഹസിച്ച് എഐഎസ്എഫ് നേതാവ് കനയ്യ കുമാര്‍. പഞ്ചാബ് നാഷ്ണല്‍ ബാങ്കില്‍ നിന്ന് കോടികള്‍ തട്ടി മുങ്ങിയ വജ്രവ്യപാരി നീരവ് മോദിയെ പിടികൂടാന്‍ മോഹന്‍ ഭാഗവത് ആര്‍എസ്എസ് സൈ്യത്തെ വിടുമോയെന്ന് അദ്ദേഹം ചോദിച്ചു. ട്വിറ്ററിലൂടെയാണ് മോഹന്‍ ഭാഗവതിനെ പരിഹസിച്ച് കനയ്യ രംഗത്ത് വന്നിരിക്കുന്നത്.രാജ്യത്തിന്റെ അതിര്‍ത്തി കാക്കാന്‍ ആര്‍എസ്എസ് പ്രാപ്തമാണെന്നും ഇന്ത്യന്‍ സേനയെ സഹായിക്കാന്‍ തയ്യാറാണെന്നും നേരത്തെ മോഹന്‍ ഭാഗവത് പറഞ്ഞിരുന്നു.
ഇതിനെതിരെ വ്യാപക പ്രതിഷേധങ്ങളും പരിഹാസങ്ങളും ഉയര്‍ന്നുവന്നിരുന്നു. സൈന്യത്തേയും ഭരണഘടനയേയും അപമാനിക്കുകയാണ് മോഹന്‍ ഭാഗവത് ചെയ്തതെന്ന് ആക്ഷേപമുയര്‍ന്നിരന്നു.
നീരവ് മോദി വിഷയത്തില്‍ നേരത്തെയും പ്രധാനമന്ത്രി നരേന്ദ്ര മോദിയേയും ബിജെപിയേയും പരിഹസിച്ച് കനയ്യ രംഗത്ത് വന്നിരുന്നു. പ്രചാരമന്ത്രി വജ്രം തരുമെന്ന് പറഞ്ഞപ്പോള്‍ വജ്രവ്യാപാരി ബാങ്ക് കൊള്ളയടിച്ച് സ്വിറ്റ്‌സര്‍ലാന്റില്‍ പോയി എന്നായിരുന്നു കനയ്യ കുമാറിന്റെ പരിഹാസം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ