മുംബൈ: ഞായറാഴ്ച അര്‍ധരാത്രിയോടെ ആരംഭിച്ച കനത്ത മഴ മുംബൈയില്‍ ശമനമില്ലാതെ തുടരുന്നു. നഗരത്തിലെ താഴ്ന്ന പ്രദേശങ്ങളായ ധാരാവി, മതുംഗ കിങ് സര്‍ക്കിള്‍ തുടങ്ങിയ പ്രദേശങ്ങള്‍ പൂര്‍ണമായും വെള്ളത്തിനടിയിലായി. താനെ ജില്ലയിലും കനത്ത നാശനഷ്ടം റിപ്പോര്‍ട്ട് ചെയ്യുന്നുണ്ട്. 

റെയില്‍പാളത്തില്‍ നിന്ന് വെള്ളം നീക്കാനുള്ള ശ്രമം
 

റായ്ഘട്ട്,മുംബൈ,താനെ പ്രദേശങ്ങളില്‍ കനത്ത മഴ തുടരുമെന്നാണ് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. ട്രാക്കുകളില്‍ വെള്ളം കയറിയതിനാല്‍ ട്രെയിനുകള്‍ പരമാവതി വേഗം കുറച്ചാണ് ഓടുന്നത്. റയില്‍ ഗതാഗതം നിര്‍ത്തിവയ്ക്കാനുള്ള സാധ്യതയും നിലവിലുണ്ട്. ട്രാക്കുകളിലെ വെള്ളക്കെട്ട് നീക്കാനുള്ള ശ്രമം തുടരുകയാണ്. മഴയെത്തുടര്‍ന്ന് വിദ്യാഭ്യാസ സ്ഥാപനങ്ങള്‍ക്ക് അവധി പ്രഖ്യാപിച്ചിരിക്കുയാണ്.