ന്യൂഡല്ഹി: അടുത്ത പൊതുതെരഞ്ഞടുപ്പിന് മുന്പായി അയോധ്യയില് രാമക്ഷേത്രം പണിയുമെന്ന് അമിത് ഷാ പറഞ്ഞെന്ന വാര്ത്തകള് അടിസ്ഥാന രഹിതമെന്ന് ബിജെപി. ഇത്തരമൊരു കാര്യം പാര്ട്ടിയുടെ അജണ്ടയില് പോലും ഇല്ല. ഇതിന്റെ അടിസ്ഥാനത്തില് ഇല്ലാത്ത വാര്ത്തകളാണ് പ്രചരിപ്പിക്കുന്നതെന്നും ബിജെപി ഔദ്യോഗിക വാര്ത്താക്കുറിപ്പിലൂടെ വ്യക്തമാക്കി
വെള്ളിയാഴ്ച ഹൈദരാബാദില് നടന്ന പാര്ട്ടി നേതാക്കളുടെ യോഗത്തിലാണ് അദ്ദേഹം ഇക്കാര്യം പറഞ്ഞത്.നിലവിലെ സാഹചര്യങ്ങള് വിലയിരുത്തുമ്പോള്, രാമക്ഷേത്രനിര്മാണ പ്രവര്ത്തനം ആരംഭിക്കുന്നതിന് ആവശ്യമായ നടപടികള് തിരഞ്ഞെടുപ്പിനു മുമ്പ് സ്വീകരിക്കുമെന്നാണ് താന് വിശ്വസിക്കുന്നതെന്ന് അമിത് ഷാ പറഞ്ഞതായി യോഗത്തില് പങ്കെടുത്ത ദേശീയ എക്സിക്യൂട്ടീവ് അംഗം പെരാല ശേഖര്ജി മാധ്യമങ്ങളോടു പറഞ്ഞു.
വെള്ളിയാഴ്ചയാണ് ഏകദിന സന്ദര്ശനത്തിനായി അമിത് ഷാ ഹൈദരാബാദിലെത്തിയത്. സംസ്ഥാനത്ത് ബി.ജെ.പിയെ അധികാരത്തിലെത്തിക്കാന് ആവശ്യമായ തന്ത്രങ്ങള് രൂപവത്കരിക്കാനും അദ്ദേഹം യോഗത്തില് ആവശ്യപ്പെട്ടതായി വാര്ത്താ ഏജന്സിയായ ഐ.എ. എന്.എസ് റിപ്പോര്ട്ട് ചെയ്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ