ചത്തര്‍പൂര്‍ (മധ്യപ്രദേശ്): ആശുപത്രി അധികൃതര്‍ ആംബുലന്‍സ് സൗകര്യം നിരസിച്ചതിനെതുടര്‍ന്ന് യുവതി ഓടിക്കൊണ്ടിരുന്ന ബസില്‍ പ്രസവിച്ചു. മധ്യപ്രദേശിലെ ചത്തര്‍പൂര്‍ എന്ന സ്ഥലത്താണ് സംഭവം.
ചികിത്സയ്ക്കായി പ്രാദേശിക ആശുപത്രിയില്‍ പ്രവേശിപ്പിച്ച യുവതിയെ കൂടുതല്‍ പരിശോധനകള്‍ക്കായി ജില്ലാ ആശുപത്രിയിലേക്ക് മാറ്റണമെന്ന് ഡോക്ടര്‍മാര്‍ നിര്‍ദേശിക്കുകയായിരുന്നു. എന്നാല്‍ ജില്ലാ ആശുപത്രിയിലേക്ക് പോകാനുള്ള യാത്രാസഹായമൊരുക്കാന്‍ ആശുപത്രി അധികൃതര്‍ തയ്യാറായില്ല. അതുകൊണ്ടുതന്നെ ബസില്‍ യാത്രചെയ്യേണ്ടിവന്ന യുവതി ഇതിനിടയില്‍ പ്രസവിക്കുകയായിരുന്നു.
കടുത്ത വേദന അനുഭവപ്പെട്ടിട്ടും വേണ്ട സൗകര്യങ്ങളൊന്നും നല്‍കാതെ ഭാര്യയെ ജില്ലാ ആശുപത്രിയിലേക്ക് കൊണ്ടുപോകാന്‍ നിര്‍ദേശിക്കുകയായിരുന്നെന്ന് യുവതിയുടെ ഭര്‍ത്താവ് പറഞ്ഞു. ജില്ലാ ആശിപത്രിയിലേക്കുള്ള യാത്രാമധ്യേ ബസ്സില്‍ വച്ച് ഭാര്യ പ്രസവിക്കുകയായിരുന്നെന്നും ഇയാള്‍ പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ