കാന്‍പൂര്‍: പതിവ് പരിശോധനകള്‍ക്കായി ആശുപത്രിയില്‍ പ്രവേശിപ്പിച്ച മുതിര്‍ന്ന ബിജെപി നേതാവും മുന്‍ പ്രധാനമന്ത്രിയുമായ അടല്‍ ബിഹാരി വാജ്‌പേയിയുടെ ആയുരാരോഗ്യത്തിനും ദീര്‍ഘായുസ്സിനും പൂജ നടത്തി ബിജെപി പ്രവര്‍ത്തകര്‍. ഉത്തര്‍പ്രദേശിലെ കാന്‍പൂരിലാണ് ബിജെപി പ്രവര്‍ത്തകര്‍ പൂജ നടത്തിയത്. മൂത്രാശയ അണുബാധയെ തുടര്‍ന്ന് വാജ്‌പേയ് ഡല്‍ഹിയിലെ എയിംസ് ആശുപത്രിയില്‍ ചികിത്സയിലാണെന്ന് എഎന്‍ഐ റിപ്പോര്‍ട്ട് ചെയ്യുന്നു.
കഴിഞ്ഞ ദിവസമാണ് വാജ്‌പേയിയെ ആശുപത്രിയില്‍ പ്രവേശിപ്പിച്ചത്. പതിവ് പരിശോധനയുടെ ഭാഗമായി ആശുപത്രിയില്‍ പ്രവേശിപ്പിച്ചുവെന്നാണ് ബിജെപി വൃത്തങ്ങള്‍ നല്‍കുന്ന വിശദീകരണം. പ്രധാനമന്ത്രി നരേന്ദ്രമോദി, കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി അടക്കം നിരവധി പ്രമുഖ നേതാക്കള്‍ ആശുപത്രിയില്‍ എത്തി അദ്ദേഹത്തിന്റെ ആരോഗ്യസ്ഥിതി തിരക്കിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ