ഹൈദരാബാദ് : അസുഖബാധിതയായ അമ്മയുടെ ആഗ്രഹം നിറവേറ്റാന്‍ പതിമ്മൂന്നുകാരന്‍ 23 വയസ്സുകാരിയെ വിവാഹംചെയ്തു. ആന്ധ്രാപ്രദേശിലെ കുര്‍നൂല്‍ ജില്ലയിലെ ഉപ്പറഹള്‍ ഗ്രാമത്തിലാണ് വിചിത്ര വിവാഹം നടന്നത്. വിവാഹത്തിന്റെ ഫോട്ടോ സാമൂഹിക മാധ്യമങ്ങളില്‍ പ്രചരിച്ചതോടെ, ബാലവിവാഹത്തിന് പോ​ലീ​സ് കേ​സെ​ടു​ത്ത് അ​ന്വേ​ഷ​ണം തു​ട​ങ്ങി. 

ഏ​പ്രി​ൽ 27-നായിരുന്നു വി​വാ​ദ വി​വാ​ഹം ന​ട​ന്ന​ത്. കൗ​മാ​ര​ക്കാ​ര​ന്‍റെ അമ്മ അ​സു​ഖ​ബാ​ധി​ത​യാ​യി കി​ട​പ്പി​ലാ​യി​രു​ന്നു. രണ്ട് ആണ്‍കുട്ടികളും രണ്ട് പെണ്‍കുട്ടികളുമാണ് ഇവര്‍ക്കുള്ളത്. പി​താ​വ് മ​ദ്യ​പാ​നി​യാ​യ​തി​നാ​ൽ ത​ന്‍റെ കാ​ല​​ശേ​ഷം കു​ട്ടികളുടെ ഭാ​വി സം​ബ​ന്ധി​ച്ച് അമ്മ ആ​ശ​ങ്ക​പ്പെ​ട്ടു. തന്റെ മരണശേഷം കുടുംബം നോക്കാന്‍ പ്രായപൂര്‍ത്തിയായൊരു സ്ത്രീ വീട്ടില്‍ വരണമെന്നതായിരുന്നു അമ്മ കണ്ടെത്തിയ പോംവഴി. ഇതിനായി 13 കാരനായ മൂത്ത മകനെ വിവാഹം കഴിപ്പിക്കാൻ അമ്മ തീരുമാനിച്ചു. 

തുടർന്ന് നടത്തിയ അന്വേഷണത്തിലാണ് 23 കാരിയായ വധുവിനെ കണ്ടെത്തുന്നത്. കര്‍ണാടകയിലെ ബെല്ലാരിയിലെ ചണിക്കണനൂര്‍ ഗ്രാമവാസിയാണ് വധു. ഏപ്രില്‍ 23-നാരംഭിച്ച വിവാഹകര്‍മങ്ങള്‍ ഏപ്രില്‍ 27-നു പുലര്‍ച്ചെ മൂന്നിനാണ് അവസാനിച്ചത്. സംഭവം സോഷ്യൽ മീഡിയയിലൂടെ പുറത്തറിഞ്ഞതോടെ, വരനും, വധുവും, വീട്ടുകാരും ഒളിവിൽ പോകുകയായിരുന്നു. ക​ള​ക്ട​റു​ടെ ഉ​ത്ത​ര​വി​ന്‍റെ അ​ടി​സ്ഥാ​ന​ത്തി​ൽ ഇ​വ​രെ ക​ണ്ടെ​ത്തു​ന്ന​തി​നാ​യി പൊലീസും ജില്ലാ അധികൃതരും തെ​ര​ച്ചി​ൽ തു​ട​രു​ക​യാ​ണ്.