മുംബൈ: മത്സ്യബന്ധന ബോട്ടും കപ്പലും കൂട്ടിയിടിച്ചുണ്ടായ അപകടത്തിൽ ഒരാളെ കാണാതായി.  മുംബൈയിലാണ് സംഭവം. ഏഴു പേരടങ്ങിയ മോർണിങ്​ സ്​റ്റാർ എന്ന മത്സ്യബന്ധന ബോട്ടാണ്​ കപ്പലുമായി കൂട്ടിയിടിച്ച് അപകടത്തിൽപ്പെട്ടത്. കാണാതായ ആൾക്ക് വേണ്ടി തിരച്ചിൽ തുടരുകയാണ്. 

വസായ്​ തീരത്തു നിന്ന്​ 15 നോട്ടിക്കൽ മൈൽ അകലെ ഞായറാഴ്​ച പുലർച്ചെ 1.10ഒാടെയാണ്​ അപകടമുണ്ടായത്​. കൂട്ടിയിടിയുടെ ആഘാതത്തിൽ ബോട്ടിൽ നിന്ന്​ കടലിലേക്ക്​ വീണ ബബൻ പാൽ(42) എന്നയാളെ കുറിച്ച്​ ഇതുവരെ വിവരമൊന്നും ലഭിച്ചിട്ടില്ല. ഇയാൾക്കു വേണ്ടി  തിരച്ചിൽ ഉൗർജ്ജിതമാക്കിയിട്ടുണ്ട്​. തീരരക്ഷാസേനയുടെ ചാർളി എന്ന ഇൻറർ ഹെലികോപ്​റ്റർ യാനവും ചേതക്​ ഹെലികോപ്​റ്ററും പെട്രോൾ യാനവും രക്ഷാപ്രവർത്തനം നടത്തുന്നുണ്ട്​​.