ന്യൂഡല്‍ഹി: അയ്യായിരം രൂപ കടം നല്‍കാന്‍ വിസ്സമ്മതിച്ചതിന് ഏഴുവയസ്സുകാരനെ അയല്‍ക്കാരന്‍ തട്ടികൊണ്ടുപോയി. കുട്ടിയുടെ അച്ഛനോട് പണം കടം ചോദിച്ചിട്ട് നല്‍കാത്ത പ്രതികാരത്തിലാണ് മകനെ തട്ടികൊണ്ടുപോയത്. ഡല്‍ഹിയെ നങ്കോലി എന്ന സ്ഥലത്താണ് സംഭവം. 24കാരനായ രാജ് കുമാറാണ് കുട്ടിയെ തട്ടികൊണ്ടുപോയത്.
സംഭവം നടന്ന് 72 മണിക്കൂറിനുള്ളില്‍ പ്രതിയെ അറസ്റ്റ് ചെയ്‌തെന്നും കുട്ടിയെ രക്ഷപ്പെടുതി മാതാപിതാക്കളെ തിരികെ ഏല്‍പ്പിച്ചെന്നും പൊലീസ് അറിയിച്ചു. തിങ്കളാഴ്ച കുട്ടിയെ കാണാനില്ലെന്ന് പരാതിപ്പെട്ട് മാതാപിതാക്കള്‍ നല്‍കിയ പരാതിയില്‍ നടത്തിയ അന്വേഷണത്തിലാണ് പ്രതിയെ പിടികൂടിയത്. പ്രദേശത്തെ സിസിടിവി ദൃശ്യങ്ങള്‍ പരിശോധിച്ച് നടത്തിയ അന്വേഷണമാണ് പ്രതിയെ കണ്ടെത്താന്‍ സഹായകമായത്. ഫെറോസാബാദ് എന്ന സ്ഥലത്തുനിന്നാണ് പൊലീസ് പ്രതിയെ പിടികൂടിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ