ആല്‍ബര്‍ട്ട് ഐന്സ്റ്റൈന് തെറ്റ് പറ്റിയെന്ന് വിവാദ ആള്‍ദൈവം നിത്യാനന്ദ. എനര്‍ജി ഒരിക്കലും mc2 ന് തുല്യമാവില്ല. അങ്ങനെ ആവാന്‍ സാധിക്കില്ലെന്നാണ് നിത്യാനന്ദയുടെ വാദം. ഐന്സ്റ്റൈന് ഒരു മാംസാഹാരി ആയിരുന്നതിനാലാണ് ഇങ്ങനെ തോന്നിയത്.
ഇന്റന്‍സിറ്റിയും കണ്ടിന്യുവിറ്റിയും തമ്മിലുള്ള വ്യത്യാസമാണ് എംസി സ്‌ക്വയര്‍..എന്താണ് എനര്‍ജി? എന്താണ് മാറ്റര്‍? ഇന്റന്‍സായുള്ളതാണ് എനര്‍ജി. കണ്ടിന്യൂ ചെയ്യുന്നതെല്ലാം മാറ്ററാണ്. മാംസാഹാരികളുടെ തലച്ചോറിന് ഇന്റന്‍സിറ്റിയും കണ്ടിന്യൂവിറ്റിയും രണ്ടായാണ് അനുഭവപ്പെടുന്നത്. അവര്‍ക്ക് ഉയര്‍ച്ച താഴ്ചകളായി മാത്രമേ ഇതിനെ കാണാന്‍ കഴിയുകയുള്ളൂ. കണ്ടിന്യുവിറ്റിയുടെയും ഇന്റന്‍സിറ്റിയുടെയും അനുഭവം തുടര്‍ച്ചയായി നിലനിര്‍ത്താന്‍ സസ്യാഹാരികള്‍ക്ക് മാത്രമേ സാധിക്കുകയുള്ളൂ. അതിനാല്‍ E,mc2 ന് തുല്യമല്ലെന്നും നിത്യാനന്ദ വ്യാഖ്യാനിക്കുന്നു.
ബംഗലുരുവില്‍ നടത്തിയ സത്സംഗത്തിലാണ് പുതിയ ' കണ്ടുപിടിത്തം' വിശദീകരിക്കപ്പെട്ടത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ