മംഗലാപുരം: പ്രസംഗം കേള്‍ക്കാനും കാണുന്നതിനുമായി ആവേശം മൂത്ത് കൂട്ടത്തോടെ മരത്തില്‍ കയറിയ അണികളെ പ്രധാനമന്ത്രി നരേന്ദ്ര മോദി താഴെയിറക്കി. മംഗലാപുരത്തെ തെരഞ്ഞെടുപ്പ് യോഗത്തിനിടെയാണ് മോദിയെ ഒരു നോക്ക് കാണുന്നതിനായി പ്രവര്‍ത്തകര്‍ അടുത്തുള്ള മരങ്ങളുടെ ചെറു കൊമ്പുകളില്‍ കൂട്ടത്തോടെ കയറിയത്. ആവേശം അതിരു വിടുന്നത് ശ്രദ്ധിച്ച പ്രധാനമന്ത്രി ദയവ് ചെയ്ത് താഴെയിറങ്ങൂ എന്ന് അവരോട് അഭ്യര്‍ത്ഥിക്കുകയായിരുന്നു.
ചെറിയ മരക്കൊമ്പുകളില്‍ കയറിയിരിക്കുന്നത് സുരക്ഷിതമല്ലെന്നും അപകടം സംഭവിച്ചാല്‍ വലിയ വിഷമം ഉണ്ടാകുമെന്നും പ്രംസംഗത്തിനിടയിലും പ്രധാനമന്ത്രി വിളിച്ചു പറഞ്ഞു.
തങ്ങളെ പ്രധാനമന്ത്രി ശ്രദ്ധിക്കുന്നുവെന്നും പരിഗണിച്ചുവെന്നും കണ്ടതോടെ അണികള്‍ നിലത്തിറങ്ങുകയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ