ഗാസിയാബാദ്: ഒരു ലക്ഷം രൂപ നല്‍കാന്‍ വിസ്സമ്മതിച്ചതിനെത്തുടര്‍ന്ന് അമ്മയെ മകന്‍ ഇഷ്ടകകൊണ്ട് തലക്കടിച്ച് കൊന്നു. 66 വയസ്സുള്ള വൃദ്ധയാണ് കൊല്ലപ്പെട്ടത്. സംഭവത്തില്‍ നിരജ് കുമാര്‍ എന്നയാളെ പൊലീസ് അറസ്റ്റ് ചെയ്തു.
വയലില്‍ കൃഷി ചെയ്യുന്നതിനിടെയാണ് വൃദ്ധ ആക്രമിക്കപ്പെട്ടത്. മൂന്ന് തവണ ഇഷ്ടികകൊണ്ട് ഇടിച്ച് കൊലപ്പെടുത്തിയ ശേഷം അമ്മയെ കാണാനില്ലെന്ന് നീരജ് സഹോദരന്‍മാരോട് പറഞ്ഞു. അന്വേഷിച്ചപ്പോള്‍ മൃതദേഹം വയലില്‍ കണ്ടെത്തുകയായിരുന്നു.
പൊലീസ് നടത്തിയ അന്വേഷണത്തിലാണ് നീരജ് കുടുങ്ങിയത്. ചോദ്യം ചെയ്യലിനിടയില്‍ അമ്മയെ കൊലപ്പെടുത്തിയത് താനാണെന്ന് ഇയാള്‍ സമ്മതിച്ചു. വീട് പ്ലാസ്റ്റര്‍ ചെയ്യാന്‍ ഒരു ലക്ഷം രൂപ ആവശ്യപ്പെട്ടിരുന്നെന്നും ബാങ്കില്‍ പണമുണ്ടായിട്ടും ഇത് നല്‍കാന്‍ അമ്മ വിസ്സമ്മതിച്ചതാണ് കൊലപാതകത്തിലേക്ക് നയിച്ചതെന്നും പൊലീസ് പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ