സ്വാതന്ത്ര്യ ദിനത്തില്‍ നൃത്തം ചെയ്യുന്ന ലഡാക്കിലെ ബിജെപി എംപി ജമ്യാങ് സെറിങ് നംഗ്യാലാണ് സോഷ്യല്‍ മീഡിയയില്‍ താരമായിരിക്കുന്നത്. കശ്മീരിന്റെ പ്രത്യേക പദവി എടുത്തുകളഞ്ഞ കേന്ദ്രസര്‍ക്കാര്‍ നടപടിയെ പിന്തുണച്ച് ലോക്‌സഭയില്‍ പ്രസംഗം നടത്തി ശ്രദ്ധേയനായ എംപിയാണ് നംഗ്യാല്‍.
സണ്‍ഗ്ലാസും പരമ്പരാഗത വസ്ത്രമായ ഗൗച്ചയും ധരിച്ചാണ് അനുയായികള്‍ക്കൊപ്പം നംഗ്യാല്‍ നൃത്തം ചെയ്തത്. എംപിയുടെ നൃത്തത്തിന്റെ വീഡിയോ സാമൂഹ്യ മാധ്യമങ്ങളില്‍ തരംഗമായിരിക്കുന്നത്.
നംഗ്യാലിന്റെ ലോക്‌സഭയിലെ പ്രസംഗത്തെ പ്രശംസിച്ച് പ്രധാനമന്ത്രി നരേന്ദ്ര മോദിയും ആഭ്യന്തര മന്ത്രി അമിത് ഷായും രംഗത്ത് വന്നിരുന്നു. ലഡാക്ക് മേഖലയില്‍ നിന്നുള്ള പൗരര്‍ക്ക് പ്രചോദനമാകന്നതാണ് നംഗ്യാലിന്റെ പ്രസംഗം എന്നാണ് മോദി വിശേഷിപ്പിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ