ന്യൂഡല്ഹി : ഉത്തര്പ്രദേശിലെ ഉന്നാവില് പ്രായപൂര്ത്തിയാകാത്ത പെണ്കുട്ടിയെ തട്ടിക്കൊണ്ടുപോയി ബലാല്സംഗം ചെയ്ത കേസില് ബിജെപി എംഎല്എ കുല്ദീപ് സെന്ഗാറുടെ ശിക്ഷ ഇന്ന് വിധിക്കും. ഡല്ഹി തീസ് ഹസാരി കോടതി ജഡ്ജി ധര്മേഷ് ശര്മ്മ വിധി പ്രസ്താവിക്കുന്നത്. വൈകീട്ട് മൂന്നുമണിക്കാണ് വിധി പ്രസ്താവം.
2017 ലാണ് സെന്ഗര് പ്രായപൂര്ത്തിയാകാത്ത പെണ്കുട്ടിയെ തട്ടിക്കൊണ്ടുപോയി ബലാല്സംഗം ചെയ്യുന്നത്. കേസില് എംഎല്എയുടെ കൂട്ടാളി ശശി സിങിനെയും പ്രതി ചേര്ത്തിട്ടുണ്ട്. പെണ്കുട്ടി യുപി മുഖ്യമന്ത്രി യോഗി ആദിത്യനാഥിന്രെ വസതിക്ക് മുന്നില് ആത്മഹത്യാശ്രമം നടത്തിയതോടെയാണ് സംഭവം രാജ്യശ്രദ്ധയാകര്ഷിച്ചത്.
കേസില് എംഎല്എയ്ക്കെതിരെ മൊഴി നല്കിയ പെണ്കുട്ടിയെയും കുടുംബത്തെയും വാഹനാപകടത്തില് കൊല്ലാന് ശ്രമിച്ച കേസിലും കുല്ദീപ് സെന്ഗര് പ്രതിയാണ്. ജൂലൈയിലാണ് പെണ്കുട്ടിയും കുടുംബവും സഞ്ചരിച്ച കാറിലേക്ക് ട്രക്ക് ഇടിച്ചുകയറിയത്. ഉത്തര്പ്രദേശിലെ ഉന്നാവില് നടന്ന കുറ്റകൃത്യങ്ങളുടെ വിചാരണ സുപ്രീംകോടതി നിര്ദേശപ്രകാരമാണ് ഡല്ഹിയിലേക്ക് മാറ്റിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ