ചെന്നൈ: ദേശീയ പൗരത്വ നിയമഭേദഗതിക്ക് എതിരെ ചെന്നൈയില്‍ ഡിഎംകെയുടെ നേൃത്വത്തില്‍ കൂറ്റന്‍ റാലി. ഡിഎംകെ അധ്യക്ഷന്‍ എംകെ സ്റ്റാലിന്‍ നയിച്ച റാലിയില്‍, കോണ്‍ഗ്രസും ഇടതു പാര്‍ട്ടികളും അടക്കമുള്ള പ്രതിപക്ഷ കക്ഷികള്‍ പങ്കെടുത്തു. പതിനായിരത്തോളം പേരാണ് റാലിയില്‍ അണിനിരന്നിരിക്കുന്നത്.
കോണ്‍ഗ്രസ് നേതാവ് പി ചിദംബരം, കെ എസ് അഴഗിരി, എംഡിഎംകെ നേതാവ് വൈകോ, ഇടത് പാര്‍ട്ടി നേതാക്കളും റാലിയില്‍ പങ്കെടുത്തു. എഗ്‌മോറിലെ തലമുത്തു നടരാജന്‍ മാളികൈയില്‍ നിന്ന് ആരംഭിച്ച റാലി രാജര്തനം സ്‌റ്റേഡിയത്തിലാണ് അവസാനിച്ചത്. റാലിയെ തുടര്‍ന്ന് നഗരത്തില്‍ കനത്ത സുരക്ഷയാണ് ഒരുക്കിയിരുന്നത്. വിദ്യാര്‍ത്ഥികള്‍ തുടക്കമിട്ട പ്രക്ഷോഭം തമിഴ്‌നാട്ടില്‍ വ്യാപിച്ചിരിക്കുകയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ