അഹ്മദ്‌നഗര്‍: ഷിര്‍ദി സായി ബാബ ക്ഷേത്രത്തിന് ഈ വര്‍ഷം സംഭാവനയായി ലഭിച്ചത് 287 കോടി രൂപ. ശ്രീ സായി ബാബ സന്‍സ്ഥാന്‍ ട്രസ്റ്റ് അധികൃതരാണ് ഇക്കാര്യം വെളിപ്പെടുത്തിയത്.
2019 ജനുവരി ഒന്ന് മുതല്‍ ഡിസംബര്‍ 31 വരെ ലഭിച്ച സംഭാവനയുടെ കണക്കാണ് അധികൃതര്‍ വെളിപ്പെടുത്തിയത്. വിവിധ തരത്തില്‍ ലഭിച്ച സംഭാവനകള്‍ ചേര്‍ത്താണ് 287 കോടി രൂപ ഇത്തവണ ലഭിച്ചത്. പണം കൂടാതെ സ്വര്‍ണം, വെള്ളി ആഭരണങ്ങളും സംഭാവനയായി ലഭിച്ചിട്ടുണ്ട്.
കഴിഞ്ഞ വര്‍ഷത്തേക്കാള്‍ രണ്ട് കോടി രൂപ അധികമായി ഇത്തവണ ലഭിച്ചതായി അധികൃതര്‍ പറയുന്നു. കഴിഞ്ഞ വര്‍ഷം 285 കോടി രൂപയാണ് സംഭാവനയായി ലഭിച്ചത്.
ഇത്തവണ കലക്ഷന്‍ കൗണ്ടര്‍ വഴി പണമായി 217 കോടി രൂപയാണ് ലഭിച്ചത്. ശേഷിച്ച 70 കോടിയിലെ 33 ശതമാനം ചെക്ക്, ഡ്രാഫ്റ്റ്, ക്രഡിറ്റ്, ഡെബിറ്റ് കാര്‍ഡുകള്‍, ഓണ്‍ലൈന്‍ ട്രാന്‍സ്ഫറുകള്‍, വിദേശ കറന്‍സികള്‍ തുടങ്ങിയ വഴിയും ലഭിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ