ബംഗളുരു: കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയെ അധിക്ഷേപിച്ച് കേന്ദ്രമന്ത്രി അനന്ത്കുമാര്‍ ഹെഗ്‌ഡ്ഡെ. രാഹുല്‍ ഗാന്ധിയുടെ അച്ഛന്‍ മുസ്ലിമും അമ്മ ക്രിസ്ത്യാനിയുമാണ്. താന്‍ ബ്രാഹ്മണന്‍ ആണെന്ന് രാഹുല്‍ പറയുന്നത് എങ്ങനെയാണെന്ന് മനസിലാകുന്നില്ലെന്നായിരുന്നു രാഷട്രീയ പ്രചാരണ യോഗത്തില്‍ കേന്ദ്ര മന്ത്രി പ്രസംഗിച്ചത്.
രാഹുല്‍ ഗാന്ധിയെ പോലുള്ള സങ്കര സന്താനങ്ങള്‍ കോണ്‍ഗ്രസ് ലബോറട്ടറിയില്‍ മാത്രമേ ഉണ്ടാവുകയുള്ളൂ. ലോകത്തെവിടെയും ഇങ്ങനെ കാണാന്‍ സാധിക്കില്ലെന്നും കേന്ദ്രമന്ത്രി പറഞ്ഞു. മന്ത്രിയുടെ വാക്കുകള്‍ കേട്ട് പ്രവര്‍ത്തകര്‍ ആര്‍ത്ത് ചിരിക്കുന്നതും വീഡിയോയില്‍ കാണാം.
കര്‍ണാടകയിലെ മുതിര്‍ന്ന
കോണ്‍ഗ്രസ് നേതാവായ ദിനേഷ് ഗുണ്ടു റാവുവിനെയും അനന്ത്കുമാര്‍ കഴിഞ്ഞ ദിവസം ആക്ഷേപിച്ചിരുന്നു.മിശ്ര വിവാഹിതനായ റാവുവിനെ 'മുസ്ലിം സ്ത്രീയുടെ പിന്നാലെ നടക്കുന്നയാളെ' ന്നായിരുന്നു കേന്ദ്രമന്ത്രി ആക്ഷേപിച്ചത്.
കുടകില്‍ കഴിഞ്ഞയാഴ്ച നടന്ന പൊതുയോഗത്തില്‍ ഹിന്ദു പെണ്‍കുട്ടികളെ തൊടുന്ന മറ്റ് മതസ്ഥരുടെ കൈ വെട്ടണമെന്ന വിവാദ പ്രസംഗവും കേന്ദ്രമന്ത്രി നടത്തിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ