കോട്ട (രാജസ്ഥാന്): സ്‌കൂളിലേക്കുള്ള യാത്രയ്ക്കിടെ 11 വയസ്സുകാരന് സ്‌കൂള്‍ ബസ്സിനടിയില്‍പെട്ട് ദാരുണാന്ത്യം. സെക്കിളില്‍ സ്‌കൂളിലേക്ക് പോവുകയായിരുന്ന വിദ്യാര്‍ത്ഥിയെ ബസ് ഇടിക്കുകയായിരുന്നു. റോഡിലേക്ക് വീണ കുട്ടിയുടെ ദേഹത്തുകൂടെ സ്‌കൂള്‍ ബസ് കയറിയിറങ്ങി.
ഏഴാം ക്ലാസുകാരനാണ് മരിച്ച വിദ്യാര്‍ത്ഥി. വിരമിച്ച ആര്‍മി ജീവനക്കാരന്റെ മകനാണ്.
അപകടം സംഭവിച്ചയുടനെ കുട്ടിയെ ആശുപത്രിയില്‍ എത്തിച്ചെങ്കിലും അപ്പോഴേക്കും മരണം സംഭവിച്ചിരുന്നെന്ന് പൊലീസ് പറഞ്ഞു. സ്‌കൂള്‍ ബസ് ഡ്രൈവറുടെ അശ്രദ്ധയാണ് അപകടകാരണമെന്നും ഇയാള്‍ക്കെതിരെ കേസ് ഫയല്‍ ചെയ്‌തെന്നും പൊലീസ് പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ