മുംബൈ: ധാരാവിയില്‍ ഏഴ് വയസുകാരന് അഴുക്കുചാലില്‍ വീണ് മുങ്ങി മരിച്ചു. രാജീവ് ഗാന്ധി കോളനിയിലാണ് സംഭവം. ഒരാഴ്ചക്കിടെ ഇത് മൂന്നാം തവണയാണ് വെള്ളക്കെട്ടില്‍ വീണ് കുട്ടികള്‍ മരിക്കുന്നത്.
അമിത് മുന്നലാല്‍ ജയ്‌സ്വാള്‍ എന്ന കുട്ടിയാണ് മരിച്ചതെന്ന് പൊലീസ് വ്യക്തമാക്കി. വിവരമറിഞ്ഞ് സ്ഥലത്തെത്തിയ പൊലീസ് കുട്ടിയെ അഴുക്കുചാലില്‍ നിന്ന് പുറത്തെടുത്ത് ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. അഴുക്കുചാല്‍ നിര്‍മണത്തിനായി നേതൃത്വം നല്‍കിയ ഓഫീസര്‍ക്കും ജോലിക്കാര്‍ക്കുമെതിരെ ദിന്‍ഡോഷി പൊലീസ് കേസെടുത്തിട്ടുണ്ട്.
ജൂലൈ 10ന് ഗുഡ്ഗാവില്‍ ഒന്നര വയസുള്ള കുഞ്ഞ് ഓവുചാലില്‍ വീണ് മരിച്ചിരുന്നു. ഇക്കഴിഞ്ഞ ശനിയാഴ്ച മുംബൈയിലെ വാര്‍ളിയില്‍ വെള്ളം നിറഞ്ഞ കുഴിയില്‍ 12കാരനായ കുട്ടിയും മരിച്ചിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ