പട്‌ന: മസ്തിഷകജ്വരം ബാധിച്ച് 125ല്‍ അധികം കുട്ടികള്‍ മരിച്ച ബിഹാറിനെ മുസാഫര്‍പൂര്‍ മെഡിക്കല്‍ കോളജില്‍ രോഗികളെ കാണാനെത്തിയ സിപിഐ നേതാവ് കനയ്യ കുമാറിനെ തടഞ്ഞു. കുട്ടികളെ കിടത്തിയിരിക്കുന്ന ഐസിയു, ജനറല്‍ വാര്‍ഡുകളില്‍ പ്രവേശിക്കാന്‍ അദ്ദേഹത്തെ ആശുപത്രി അധികൃതര്‍ അനുവദിച്ചില്ല.
കുട്ടികളെ കിടത്തിയിരിക്കുന്ന വാര്‍ഡിലേക്ക് അന്യരെ പ്രവേശിപ്പിക്കരുത് എന്ന് ആശുപത്രി സൂപ്രണ്ട് ഉത്തരവിടുകയായിരുന്നു. ഇതിനെ തുടര്‍ന്നാണ് അദ്ദേഹത്തെ തടഞ്ഞത്.
നേരത്തെ, കുട്ടികളുടെ മരണത്തിന് ഇടയാക്കിയ മസ്തിഷ്‌കജ്വരം പടരുന്നത് തടയുനനതില്‍ സര്‍ക്കാര്‍ പരാജയപ്പെട്ടു എന്നാരോപിച്ച് എഐസ്എഫിന്റെ നേതൃത്വത്തില്‍ പ്രതിഷേധം സംഘടിപ്പിച്ചിരുന്നു. ഇതിന് പിന്നാലെയാണ് കനയ്യ ആശുപത്രി സന്ദര്‍ശനത്തിനെത്തിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ