ജി 20 ഉച്ചകോടിയ്ക്ക് മുന്നോടിയായി അമേരിക്കന്‍ പ്രസിഡന്റ് ഡൊണാള്‍ഡ് ട്രംപും പ്രധാനമന്ത്രി നരേന്ദ്ര മോദിയും തമ്മില്‍ ജപ്പാനിലെ ഒസാക്കയില്‍ കൂടിക്കാഴ്ച നടത്തി. പ്രതിരോധ, വാണിജ്യ സംബന്ധമായ വിഷയങ്ങളെക്കുറിച്ചും 5ജി കമ്മ്യൂണിക്കേഷന്‍ നെറ്റ് വര്‍ക്കിനെ കുറിച്ചും ഇരു നേതാക്കളും ചര്‍ച്ച നടത്തി. എന്നാല്‍ ഇറാന്‍ അടക്കമുള്ള സുപ്രധാന വിഷയങ്ങളെക്കുറിച്ച് ചര്‍ച്ച നടന്നില്ല.
ഇറാന്‍, 5ജി, വിഷയങ്ങളില്‍ അമേരിക്കന്‍ പ്രസിഡന്റുമായി ചര്‍ച്ച നടത്തുമെന്ന് പ്രധാനമന്ത്രി പറഞ്ഞിരുന്നു. വീണ്ടും അധികാരത്തിലെത്തിയതില്‍ നരേന്ദ്ര മോദിയെ ട്രംപ് അഭിനന്ദിച്ചു.മോദി അര്‍ഹിച്ച വലിയ വിജയമാണ് കൈവരിച്ചതെന്ന് ട്രംപ് പറഞ്ഞു. ഇന്ത്യയോടുള്ള സ്‌നേഹത്തിന് നന്ദി പറയുന്നതായി മോദിയും വ്യക്തമാക്കി.
ഇതിന് പിന്നാലെ ജപ്പാന്‍ പ്രധാനമന്ത്രി ഷിന്‍സോ ആബെയുമായും ഇരു നേതാക്കളും കൂടിയാലോചന നടത്തി. നല്ല നാളേക്കായി ഒരുമിക്കുമെന്ന് രാഷ്ട്ര നേതാക്കള്‍ വ്യക്തമാക്കി. ഇന്തോ-പെസഫിക് മേഖലിയില്‍ മൂന്നുരാജ്യങ്ങള്‍ക്കും എങ്ങനെ സഹകരിച്ച് മുന്നോട്ടുപോകാം എന്നതിനെ കുറിച്ചാണ് നേതാക്കള്‍ പ്രധാനമായും ചര്‍ച്ച നടത്തിയതെന്ന് വിദേശകാര്യ സെക്രട്ടറി വിജയ് ഗോഖലെ പത്രസമ്മേളനത്തില്‍ വ്യക്തമാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ