കൊല്ക്കത്ത : ട്രെയിന് ടിക്കറ്റില് പ്രധാനമന്ത്രി നരേന്ദ്രമോദിയുടെ ചിത്രം പതിച്ചതായി കേന്ദ്രതെരഞ്ഞെടുപ്പ് കമ്മീഷന് പരാതി. തൃണമൂല് കോണ്ഗ്രസാണ് പരാതി നല്കിയത്. ബിജെപിയുടെയും സര്ക്കാരിന്റെയും നടപടി തെരഞ്ഞെടുപ്പ് പെരുമാറ്റ ചട്ടങ്ങളുടെ ലംഘനമാണെന്ന് തൃണമൂല് കോണ്ഗ്രസ് പരാതിയില് ചൂണ്ടിക്കാട്ടുന്നു.
കേന്ദ്ര ഭവന, നഗര ദാരിദ്ര നിര്മ്മാര്ജ്ജന മന്ത്രാലയത്തിന്റെ പരസ്യമാണ് ട്രെയിന് ടിക്കറ്റിലുള്ളത്. ഇതിലാണ് പ്രധാനമന്ത്രിയുടെ ഫോട്ടോയും ഉള്ളതെന്ന് തൃണമൂല് കോണ്ഗ്രസ് പരാതിയില് വ്യക്തമാക്കി.
മാതൃകാ പെരുമാറ്റചട്ടം നിലനില്ക്കുമ്പോള്, ഇത്തരത്തിലുള്ള കേന്ദ്രസര്ക്കാരിന്റെ നേട്ടങ്ങല് വിശദീകരിക്കുന്ന പരസ്യങ്ങളുള്ള ടിക്കറ്റ് വികരണം ചെയ്യുന്നത് നിയമ ലംഘനമാണ്. മോദിയുടെ ചിത്രമുള്ള ടിക്കറ്റുകളുടെ വിതരണവും പ്രിന്റിംഗും ഉടന് നിര്ത്തിവെക്കാന് റെയില്വേയ്ക്ക് അടിയന്തരമായി നിര്ദേശം നല്കണമെന്നും തൃണമൂല് കോണ്ഗ്രസ് പരാതിയില് ആവശ്യപ്പെട്ടു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ