ഇറോം ശര്‍മ്മിള രണ്ട് ഇരട്ടക്കുഞ്ഞുങ്ങള്‍ക്ക് ജന്മം നല്‍കി എത്ത വാര്‍ത്ത ആവേശത്തോടെയാണ് രാജ്യം കേട്ടത്. ഇപ്പോള്‍ ശര്‍മ്മിളയുടെ കുഞ്ഞുങ്ങളുടെ ചിത്ര പുറത്തുവിട്ടിരിക്കുകയാണ് ക്ലൗഡ് നയന്‍ ആശുപത്രി. ഭര്‍ത്താവ് ഡെസ്മണ്ട് കുടീഞ്ഞോയ്‌ക്കൊപ്പം കുഞ്ഞിനെയും കൊണ്ടു നില്‍ക്കുന്ന ചിത്രമാണ് പുറത്തുവന്നിരിക്കുന്നത്. നിക്‌സി സഖി, ഓട്ടം ടാര എന്നിങ്ങനെയാണ് രണ്ട് കുഞ്ഞുങ്ങള്‍ക്ക് പേരിട്ടിരിക്കുന്നത്.
മാതൃദിനമായ മെയ് ഒന്‍പതിന് തന്റെ 46ാം വയസിലാണ് ഇറോം ശര്‍മിള ഇരട്ടകുഞ്ഞുങ്ങളുടെ അമ്മയായത്. മണിപ്പൂരില്‍ നിലനില്‍ക്കുന്ന സൈനിക ഭരണത്തിന് എതിരേ 16 വര്‍ഷത്തോളം നിരാഹാര സമരം നടത്തിയതോടെയാണ് ഇറോം ശര്‍മ്മിള വാര്‍ത്തയില്‍ ഇടംനേടുന്നത്. അനുകൂല നടപടിയുണ്ടാക്കാത്തതിനെ തുടര്‍ന്ന് 2016 ല്‍ സമരം അവസാനിപ്പിച്ചു. 2017 ലാണ് ഡെസ്മണ്ടുമായുള്ള ഇറോം ശര്‍മിളയുടെ വിവാഹം. ഇപ്പോള്‍ കൊടൈക്കനാലില്‍ സ്ഥിരതാമസമാക്കിയിരിക്കുകയാണ് ഇരപവരും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ