ന്യൂഡല്‍ഹി: അയോധ്യാ കേസില്‍ സുപ്രീംകോടതി ഇന്ന് വിധി പറയുന്നതിന്റെ പശ്ചാത്തലത്തില്‍ രാജ്യത്തെ വിവിധ സംസ്ഥാനങ്ങളിലെ വിദ്യാഭ്യാസ സ്ഥാപനങ്ങള്‍ക്ക് അവധി പ്രഖ്യാപിച്ചു. സുരക്ഷാ മുന്‍കരുതലിന്റെ ഭാഗമായി ഉത്തര്‍പ്രദേശ്, കര്‍ണാടക, മധ്യപ്രദേശ് എന്നീ സംസ്ഥാനങ്ങളിലെ വിദ്യാഭ്യാസ സ്ഥാപനങ്ങള്‍ക്കാണ് ശനിയാഴ്ച അവധി പ്രഖ്യാപിച്ചത്.
അയോധ്യ വിധിയുടെ പശ്ചാത്തലത്തില്‍ കടുത്ത ജാഗ്രത പാലിക്കണം എന്ന നിര്‍ദേശമാണ് സംസ്ഥാനങ്ങള്‍ക്ക് ലഭിച്ചിരിക്കുന്നത്. കേന്ദ്ര റെയില്‍വേ മന്ത്രാലയം എല്ലാ സോണുകളിലേക്കും ഏഴ് പേജുള്ള സുരക്ഷാ മുന്‍കരുതല്‍ നിര്‍ദേശങ്ങള്‍ നല്‍കി.
സ്റ്റേഷനുകളില്‍ പ്ലാറ്റ്‌ഫോമുകളിലും തുരങ്കങ്ങളിലും പാര്‍ക്കിങ് സ്ഥലങ്ങളിലും നിരന്തരം പരിശോധന നടത്താനാണ് നിര്‍ദേശം. മെട്രോ നഗരങ്ങളില്‍ ഉള്‍പ്പെടെ 78 പ്രധാന റെയില്‍വേ സ്റ്റേഷനുകളില്‍ കൂടുതല്‍ സേനയെ വിന്യസിച്ചിട്ടുണ്ട്. റെയില്‍വേ സുരക്ഷാ സേന അംഗങ്ങളുടെ അവധിയും റദ്ദാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ