മുംബൈ: മഹാരാഷ്ട്രയില്‍ കോവിഡ് രോഗികളുടെ എണ്ണം ഇന്നും പതിനായിരത്തിലേറെ പേര്‍. ഇന്ന് 11,088 പേര്‍ക്കാണ് സംസ്ഥാനത്ത് രോഗം സ്ഥിരീകരിച്ചത്. ഇന്ന് 256 പേരാണ് മരിച്ചത്. 

സംസ്ഥാനത്തെ മൊത്തം രോഗികളുടെ എണ്ണം 5,35,601 ആയി. 1,48,553 ആക്ടീവ് കേസുകളാണ് നിലവിലുള്ളത്. 

10,014 പേര്‍ക്കാണ് ഇന്ന് രോഗ മുക്തി. ഇതോടെ രോഗം ഭേദമായി ആശുപത്രി വിട്ടവരുടെ എണ്ണം 3,68,435 ആയി. 

ആന്ധ്രാപ്രദേശില്‍ ഇന്ന് 9,024 പേര്‍ക്കും തമിഴ്‌നാട്ടില്‍ 5834 പേര്‍ക്കും ഇന്ന് കോവിഡ് സ്ഥിരീകരിച്ചു. ആന്ധ്രയില്‍ ഇന്ന് 87 പേരാണ് മരിച്ചത്. തമിഴ്‌നാട്ടില്‍ 118 പേര്‍ക്കാണ് ജീവന്‍ നഷ്ടപ്പെട്ടത്.