ഡെറാഡൂണ്‍: ഉത്തരാഖണ്ഡില്‍ മണ്ണിടിച്ചില്‍. ഋഷികേശ്- ബദരീനാഥ് ഹൈവേയിലാണ് മണ്ണിടിച്ചില്‍ ഉണ്ടായത്. ഇതോടെ വാഹനഗതാഗതം തടസ്സപ്പെട്ടു.
രാവിലെയാണ് സംഭവം. ഇതിന്റെ വീഡിയോ വ്യാപകമായാണ് പ്രചരിക്കുന്നത്. തെഹ്‌രി-ഗാര്‍വാള്‍ ജില്ലയില്‍ ബയാസിക്ക് സമീപമാണ് മണ്ണിടിച്ചില്‍ ഉണ്ടായത്. ഈ സമയത്ത് വാഹനങ്ങള്‍ ഉണ്ടാവാതിരുന്നത് വന്‍ അപകടം ഒഴിവാക്കി. ആര്‍ക്കും ആളപായമില്ലെന്നാണ് റിപ്പോര്‍ട്ടുകള്‍.
കഴിഞ്ഞാഴ്ചയും ബദരീനാഥ് ഹൈവേയില്‍ മണ്ണിടിച്ചിലിനെ തുടര്‍ന്ന് വാഹനഗതാഗതം തടസ്സപ്പെട്ടിരുന്നു. കനത്തമഴയെ തുടര്‍ന്ന് ഇത്തവണ നിരവധി തവണയാണ് ഉത്തരാഖണ്ഡില്‍ മണ്ണിടിച്ചില്‍ ഉണ്ടായത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ