അഹമ്മദാബാദ്: കനത്ത മഴയെ തുടര്‍ന്ന് ഗുജറാത്തിന്റെ പലഭാഗങ്ങളും വെള്ളത്തിനടിയിലാണ്. കനത്ത നാശനഷ്ടമാണ് റിപ്പോര്‍ട്ട് ചെയ്തിരിക്കുന്നത്. നദികള്‍ കരകവിഞ്ഞതിന് പിന്നാലെ നിരവധി വീടുകളില്‍ വെള്ളം കയറി.

അഹമ്മദാബാദിലും പരിസര പ്രദേശങ്ങളിലും കനത്ത മഴയാണ് പെയ്യുന്നത്. 162 താലൂക്കുകള്‍ വെള്ളപ്പൊക്ക ബാധിതമാണ് എന്നാണ് റിപ്പോര്‍ട്ട്. ഇതില്‍ മൂന്ന് താലൂക്കുകളില്‍ 125 മില്ലി മീറ്ററിനും 250 മില്ലി മീറ്ററിനും മുകളിലാണ് മഴ ലഭിച്ചത്. നിരവധി കുടുംബങ്ങളെ മാറ്റി പാര്‍പ്പിച്ചിരിക്കുകയാണ്.

അതേസമയം, വെള്ളം കയറിയ റോഡില്‍ നീന്തിക്കുളിക്കുന്ന കുഞ്ഞുങ്ങളുടെ വീഡിയോ പുറത്തുവന്നു.വാര്‍ത്താ ഏജന്‍സിയായ എഎന്‍ഐയാണ് സുരേന്ദ്ര നഗര്‍ ജില്ലയില്‍ നിന്നുള്ള വീഡിയോ പങ്കുവച്ചിരിക്കുന്നത്.