മുംബൈ: മഹാരാഷ്ട്രയിൽ ബഹുനില കെട്ടിടം തകർന്നുവീണ് 15 പേർക്ക് പരിക്ക്. കെട്ടിടത്തിന്റെ അവശിഷ്ടങ്ങൾക്കിടയിൽ 200 പേർ കുടുങ്ങികിടക്കുന്നതായാണ് റിപ്പോർട്ട്. 

റായ്ഗഡ് ജില്ലയിലെ കാജൽപുരയിലാണ് വൈകീട്ട് 6.30 ഓടെ അപകടം നടന്നത്. അഞ്ച് നിലയുള്ള കെട്ടിടമാണ് തകർന്നു വീണത്. 

അഞ്ചു നില കെട്ടിടത്തിന്റെ മൂന്ന് നിലകളാണ് തകർന്ന് നിലംപൊത്തിയത്. ദേശീയ ദുരന്തനിവാരണ സേന സംഭവ സ്ഥലത്തെത്തിയിട്ടുണ്ട്. സ്ഥലത്ത് രക്ഷാപ്രവർത്തനം തുടരുകയാണ്.