ചെന്നൈ: ദലിത് ബാലന്‍മാരെക്കൊണ്ട് വിസര്‍ജ്യം കോരിപ്പിച്ച മൂന്ന് യുവാക്കള്‍ അറസ്റ്റില്‍. തമിഴ്‌നാട്ടിലെ പെരമ്പലൂര്‍ ജില്ലയിലെ സിരുകുടല്‍ ഗ്രാമത്തിലാണ് സംഭം നടന്നത്.
ഗ്രാമത്തിലെ ഗ്രൗണ്ടിന് സമീപം മലമൂത്ര വിസര്‍ജനം നടത്തിയ പത്തിനും പതിനഞ്ചിനും ഇടയില്‍ പ്രായമുള്ള അഞ്ച് ദലിത് ബാലന്‍മാരെക്കൊണ്ടാണ് യുവാക്കള്‍ വിസര്‍ജ്യം കോരിച്ചത്.
അബിനേഷ്, സെല്‍വകുമാര്‍, സിലംബരസന്‍ എന്നിവരാണ് അറസ്റ്റിലായത്. പട്ടിക ജാതി പട്ടിക വര്‍ഗ പീഡഡ നിരോധന നിയമപ്രകാരമാണ് ഇവരെ അറസ്റ്റ് ചെയ്തത്. മേല്‍ജാതിക്കാരായ ഇവരുടെ അറസ്റ്റിന് പിന്നാലെ ഗ്രാമത്തില്‍ സംഘര്‍ഷാവസ്ഥ രൂപപ്പെട്ടു.
കുട്ടികള്‍ക്ക് നീതി വേണമെന്ന് ആവശ്യപ്പെട്ട് വിടുതലൈ സിരുതൈഗള്‍ കക്ഷി രംഗത്തെത്തി. ഇവര്‍ ഗ്രാമത്തിലേക്കുള്ള റോഡുകള്‍ അടച്ചു. പൊലീസ് എത്തി യുവാക്കള്‍ക്ക് എതിരെ നടപടി സ്വീകരിക്കുമെന്ന് ഉറപ്പുനല്‍കിയതിന് ശേഷമാണ് ഗ്രാമവാസികള്‍ സമരം അവസാനിപ്പിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ