മുംബൈ: കോവിഡ് വ്യാപനം നിയന്ത്രിക്കാൻ പ്രഖ്യാപിച്ച കർഫ്യൂ ലംഘിച്ച് ജന്മദിനാഘോഷം സംഘടിപ്പിച്ച മുപ്പതോളം പേർക്കെതിരേ കേസ്. മുംബൈ ബാന്ദ്ര പൊലീസാണ് കേസെടുത്തത്. ആഘോഷത്തിൽ പങ്കെടുത്ത ഒരാളെ അറസ്റ്റ് പിടികൂടുകയും ചെയ്തു. ജന്മദിനാഘോഷത്തിന്റെ വീഡിയോ സാമൂഹികമാധ്യമങ്ങളിൽ പ്രചരിച്ചതോടെയാണ് നടപടി.
ഹാരിസ് ഖാൻ എന്നയാളെയാണ് പിടികൂടിയത്. മാസ്ക് ധരിക്കാതെയും സാമൂഹിക അകലം പാലിക്കാതെയും ഒട്ടേറേ പേരാണ് ആഘോഷത്തിൽ പങ്കെടുത്തത്. ശനിയാഴ്ച അർധരാത്രി ബാന്ദ്രയിലെ ഒരു കെട്ടിടത്തിലായിരുന്നു പരിപാടി. യുവാവ് വാൾ കൊണ്ട് 25 കേക്കുകൾ മുറിക്കുന്നത് വിഡിയോയിൽ കാണാം.
കർഫ്യൂ ലംഘിച്ചതിന് പുറമേ ആയുധം കൈയിൽവെച്ചതിനും ഹാരിൽ ഖാനെതിരേ കേസെടുത്തിട്ടുണ്ട്. ഇയാൾ ക്രിമിനൽ കേസുകളിൽ പ്രതിയാണെന്ന് പൊലീസ് പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ