പോര്‍ട്ട് ബ്ലെയര്‍: കോവിഡ് വ്യാപനം തടയുന്നതിന് വാരാന്ത്യങ്ങളില്‍ സമ്പൂര്‍ണ ലോക്ക് ഡൗണ്‍ ഏര്‍പ്പെടുത്താന്‍ ആന്‍ഡമാന്‍ നിക്കോബാര്‍ ഭരണകൂടം തീരുമാനിച്ചു. ഓഗസ്റ്റ് ഒന്നു മുതല്‍ ഇതു നിലവില്‍ വരും.
ശനിയാഴ്ചകളിലും ഞായറാഴ്ചകളിലുമായിരിക്കും ലോക്ക് ഡൗണ്‍. കോവിഡ് വ്യാപനം ശമിക്കുന്നതു വരെ ഇതു തുടരാനാണ് തീരുമാനമെന്ന് ചീഫ് സെക്രട്ടറി ചേതന്‍ ബി സംഘി അറിയിച്ചു.
എല്ലാ വ്യാപാര സ്ഥാപനങ്ങള്‍ക്കും ഗതാഗത സംവിധാനങ്ങള്‍ക്കും ലോക്ക് ഡൗണ്‍ ബാധകമായിരിക്കും. അവശ്യ സര്‍വീസുകള്‍ മാത്രമാണ് അനുവദിക്കു.
ആന്‍ഡമാനില്‍ ഇന്നലെ 25 പേര്‍ക്കു കൂടി കോവിഡ് സ്ഥിരീകരിച്ചു. ഇതുവരെ 363 പേര്‍ക്കാണ് വൈറസ് ബാധ കണ്ടെത്തിയിട്ടുള്ളത്. ഇതില്‍ 192 പേര്‍ ആശുപത്രി വിട്ടു. ഒരാളാണ് ഇതുവരെ മരിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ