ഹൈദബാദ്: തെലങ്കാന ആഭ്യന്തര മന്ത്രി മൊഹമ്മദ് മഹമൂദ് അലിയ്ക്ക് കോവിഡ് 19 സ്ഥിരീകരിച്ചു. ഞായറാഴ്ച രാത്രിയാണ് മന്ത്രിയെ ഹൈദരാബാദിലെ ഒരു സ്വകാര്യ ആശുപത്രിയില്‍ പ്രവേശിപ്പിച്ചത്. അദ്ദേഹത്തിന്റെ ആരോഗ്യനില തൃപ്തികരമാണ് എന്നാണ് ആശുപത്രി അധികൃതരില്‍ നിന്ന് ലഭിക്കുന്ന വിവരം.

ജൂണ്‍ 25ന് മുതിര്‍ന്ന പൊലീസ് ഉദ്യോഗസ്ഥര്‍ക്കൊപ്പം ഹരിത ഹാരം എന്ന പരിപാടിയില്‍ മന്ത്രി പങ്കെടുത്തിരുന്നു. തെലങ്കാനയില്‍ കോവിഡ് ബാധിക്കുന്ന ആദ്യ മന്ത്രിയാണ് മഹമൂദ് അലി. നേരത്തെ ഭരണകക്ഷിയായ ടിആര്‍എസിലെ മൂന്ന് എംഎല്‍എമാര്‍ക്ക് രോഗം സ്ഥിരീകരിച്ചിരുന്നു. 3,436പേര്‍ക്കാണ് തെലങ്കാനയില്‍ ഇതുവരെ രോഗം സ്ഥിരീകരിച്ചത്.ഇതില്‍ 243പേര്‍ മരിച്ചു. 4,928പേര്‍ രോഗമുക്തരായി.