ഹൈദരബാദ്: ഇളയമകളെ ബലാത്സംഗം ചെയ്യാന്‍ ശ്രമിച്ച പിതാവ് അറസ്റ്റില്‍. ഹൈദരബാദിലെ ദണ്ടിഗലിലാണ് പിതാവിനെ പൊലീസ് അറസ്റ്റ് ചെയ്തത്. വെള്ളിയാഴ്ച രാത്രിയാണ് സംഭവം. മകളെ ലൈംഗികമായി പീഡിപ്പിക്കാന്‍ ശ്രമിക്കുന്നതിനിടെ അമ്മ പിടികൂടുകയായിരുന്നു.
പിതാവിനെ പൊലീസ് പിടികൂടിയതിന് പിന്നാലെയാണ് കുടുതല്‍ ഞെട്ടിപ്പിക്കുന്ന വിവരങ്ങള്‍ പുറം ലോകം അറിഞ്ഞത്. പിതാവ് ഒരുവര്‍ഷമായി തന്നെ ലൈംഗികമായി പീഡിപ്പിക്കുകയായിരുന്നെന്ന് മൂത്തകുട്ടി പൊലീസിന് മൊഴി നല്‍കി.
ജനുവരി മുതലാണ് ഇയാള്‍ ഇളയ പെണ്‍കുട്ടിയെ ലൈംഗികമായി പീഡിപ്പിക്കാന്‍ തുടങ്ങിയതെന്ന് പൊലീസ് പറയുന്നു. രണ്ട് പെണ്‍കുട്ടികളും മാതാപിതാക്കളും ഒരു മുറിയിലാണ് കിടന്നുറങ്ങാറ്. അര്‍ധരാത്രിക്ക് ശേഷം ഭാര്യയുറങ്ങിയാല്‍ മൂത്തമകളെ ലൈംഗികമായി പീഡിപ്പിക്കും. വെള്ളിയാഴ്ച രാത്രി യുവതി രാത്രി ഉറക്കമുണര്‍ന്ന് നോക്കുമ്പോള്‍ പിതാവ് ഇളയമകളെ പീഡിപ്പിക്കുന്നതാണ് കണ്ടതെന്ന് പൊലീസ് പറയുന്നു.
ഇളയമകള്‍ അഞ്ചാം ക്ലാസിലാണ് പഠിക്കുന്നത്. മൂത്തപെണ്‍കുട്ടി മാനസികമായ തകര്‍ന്ന നിലയിലാണ്. മൂത്തകുട്ടിയെ ഇയാള്‍ ഒരുവര്‍ഷത്തിലധികമായി ലൈംഗികമായി പീഡിപ്പിച്ചതായി യുവതി പൊലീസിനോട് പറഞ്ഞു. ഇക്കാര്യം പുറത്തുപറഞ്ഞാല്‍ തന്നെയും ഇളയമകളെയും കൊലപ്പെടുത്തുമെന്ന് ഇയാള്‍ ഭീഷണിപ്പെടുത്തിയതായും പൊലീസ് പറഞ്ഞു. ഭാര്യയുടെ പരാതിയില്‍ പ്രതിക്കെതിരെ പോക്‌സോ വകുപ്പുകള്‍ ഉള്‍പ്പെടെ ചേര്‍ത്താണ് അറസ്റ്റ് ചെയ്തിരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ