ന്യൂഡല്ഹി: കോവിഡ് 19 പടരുന്ന സാഹചര്യത്തില് പ്രധാനമന്ത്രി നരേന്ദ്ര മോദി വ്യാഴാഴ്ച രാത്രി എട്ടുമണിക്ക് രാജ്യത്തെ അഭിസംബോധന ചെയ്യും. പ്രധാന പ്രതിരോധ നടപടികള് പ്രഖ്യാപിക്കുമെന്നാണ് സൂചന. അതേസമയം, രാജ്യത്ത് കോവിഡ് 19 ബാധിച്ചവരിടെ ആകെ എണ്ണം 157അയി. ഇന്ന് പുതിയതായി 14 കേസുകള് റിപ്പോര്ട്ട് ചെയ്തു. മൂന്ന് മരണങ്ങളാണ് നിലവില് റിപ്പോര്ട്ട് ചെയ്തിരിക്കുന്നത്.
ഏറ്റവും കൂടുതല് കോവിഡ് കേസുകള് റിപ്പോര്ട്ട് ചെയ്ത മഹാരാഷ്ട്രയില് രണ്ടു പേര്ക്ക് കൂടി രോഗം സ്ഥിരീകരിച്ചു. ഇതോടെ സംസ്ഥാനത്ത് കോവിഡ് ബാധിച്ചവരുടെ എണ്ണം 45ആയി. കരസേനയില് ഒരു കോവിഡ് 19 പോസിറ്റിവ് കേസ് റിപ്പോര്ട്ട് ചെയ്തിട്ടുണ്ട്. 34വയസ്സുകാരനായ ലഡാക്ക് സ്വദേശിക്കാണ് രോഗം സ്ഥിരീകരിച്ചത്.
ശ്രീനഗര് സ്വദേശിക്ക് രോഗം സ്ഥിരീകരിച്ചതോടെ, ജമ്മു കശ്മീരിലും ആദ്യ വൈറസ് ബാധ റിപ്പോര്ട്ട് ചെയ്തു. കോവിഡ് പ്രതിരോധത്തിന്റെ ഭാഗമായി ഇന്ത്യന് റെയില്വെ 100 ട്രെയിനുകള് റദ്ദാക്കി. വൈറസ് വ്യാപനം തടയുന്നതിന്റെ ഭാഗമായി രാജസ്ഥാനിലും നോയിഡയിലും നിരോധനാജ്ഞ പ്രഖ്യാപിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ