ന്യൂഡൽഹി: ഡൽഹി രോഹിണി ജയിലിലെ 15 തടവുകാര്‍ക്കും ഒരു ജയില്‍ ജീവനക്കാരനും കോവിഡ് 19 സ്ഥിരീകരിച്ചു. നേരത്തെ കോവിഡ് സ്ഥിരീകരിച്ച തടവുകാരനുമായി മുറി പങ്കിട്ട 15 തടവുകാര്‍ക്കാണ് ഇപ്പോൾ രോഗം സ്ഥിരീകരിച്ചത്. 

ഡൽഹിയിൽ കോവിഡ് ബാധിതരുടെ എണ്ണം പതിനായിരത്തോട് അടുക്കുകയാണ്. കഴിഞ്ഞ 24 മണിക്കൂറിനിടെ 438 പേര്‍ക്ക് കൂടി രോഗം സ്ഥിരീകരിച്ചതോടെ രോഗികളുടെ എണ്ണം 9333 ആയി. 

ആറ് പേര്‍ കൂടി ഇന്ന് മരിച്ചതോടെ ആകെ മരണ സംഖ്യ 129 ആയി ഉയര്‍ന്നു. 3926 പേര്‍ക്കാണ് ഇതുവരെ രോഗം മാറിയത്.