മുംബൈ: മുംബൈയില്‍ ആശുപത്രിയിലെ കോവിഡ് വാര്‍ഡില്‍ ഫാന്‍ ഇളകി വീണ് ഡോക്ടര്‍ക്കു പരുക്ക്. കോര്‍പ്പറേഷന്റെ ഉടമസ്ഥതയിലുള്ള നായര്‍ ആശുപത്രിയിലാണ് സംഭവം. ഇരുപത്തിയാറുകാരനായ ഡോക്ടര്‍ ചികിത്സയിലാണ്.
ഇന്നലെ വൈകിട്ടാണ് സംഭവം. ആശുപത്രിയിലെ പന്ത്രണ്ടാം നമ്പര്‍ വാര്‍ഡിലെ സീലിങ് ഫാന്‍ പൊട്ടി ഡോക്ടറുടെ തലയില്‍ വീഴുകയായിരുന്നു. ഡോക്ടറുടെ പരുക്ക് സാരമുള്ളതല്ലെന്ന് ആശുപത്രി അധികൃതര്‍ അറിയിച്ചു.
കഴിഞ്ഞ മാസമാണ് നായര്‍ ആശുപത്രിയെ കോവിഡ് പരിചരണ കേന്ദ്രമാക്കി മാറ്റിയത്. ഇവിടെയുള്ള മറ്റു രോഗികളെയെല്ലാം മറ്റ് ആശുപത്രികളിലേക്കു മാറ്റിയിരുന്നു.
കോവിഡ് ആശുപത്രിയാക്കി മാറ്റുന്നതായി ധൃതിപിടിച്ച് അറ്റകുറ്റപ്പണികള്‍ നടത്തിയിരുന്നു. വേണ്ടത്ര പരിശോധനയില്ലാതെ വാര്‍ഡ് തുറന്നുകൊടുത്തതാണ് അപകടത്തിനു കാരണമെന്ന് ഡോക്ടര്‍മാര്‍ പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ