ബംഗളൂരു: ആഴ്ചകള്‍ക്ക് മുന്‍പ് വരെ കോവിഡ് വ്യാപനം രൂക്ഷമായി നേരിട്ടിരുന്ന കര്‍ണാടകയില്‍ വൈറസ് ഭീഷണി കുറയുന്നു. 24 മണിക്കൂറിനിടെ 1963 പേര്‍ക്കാണ് വൈറസ് ബാധ കണ്ടെത്തിയത്. ഈ സമയത്ത് 2686 പേര്‍ക്ക് അസുഖം ഭേദമായതായും കര്‍ണാടക ആരോഗ്യവകുപ്പ് കണക്കുകള്‍ വ്യക്തമാക്കുന്നു.

19 പേര്‍ കൂടി മരിച്ചതോടെ, വൈറസ് ബാധയെ തുടര്‍ന്ന് മരിച്ചവരുടെ എണ്ണം 11410 ആയി ഉയര്‍ന്നു. നിലവില്‍ 8,48,850 പേര്‍ക്കാണ് രോഗബാധ ഉണ്ടായത്. ഇതില്‍ 8,04,485 പേര്‍ക്കും രോഗം ഭേദമായി.  32,936 പേരാണ് ചികിത്സയില്‍ കഴിയുന്നതെന്ന് സര്‍ക്കാര്‍ കണക്കുകള്‍ വ്യക്തമാക്കുന്നു.

ഗുജറാത്തില്‍ 971 പേര്‍ക്കാണ് പുതുതായി കോവിഡ് സ്ഥിരീകരിച്ചത്. 24 മണിക്കൂറിനിടെ അഞ്ചുപേരാണ് മരിച്ചത്. 993 പേര്‍ കൂടി രോഗമുക്തി നേടിയതോടെ, രോഗമുക്തി നേടിയവരുടെ ആകെ എണ്ണം 1,65,585 ആയി ഉയര്‍ന്നു. 12,313 പേരാണ് ചികിത്സയില്‍ കഴിയുന്നതെന്ന് സര്‍ക്കാര്‍ കണക്കുകള്‍ വ്യക്തമാക്കുന്നു.