പൂനെ: ഫോണിലൂടെ മുത്തലാഖ് ചൊല്ലിയെന്ന ഭാര്യയുടെ പരാതിയില്‍ യുവാവിനെതിരെ പൊലീസ് കേസെടുത്തു. മഹാരാഷ്ട്രയിലെ അഹമ്മദ് നഗറില്‍ 32കാരനെതിരെയാണ് കേസ്.
മുപ്പത്തിയൊന്നുകാരിയായ ഭാര്യ നേരത്തെ ദുബൈയില്‍ ആയിരുന്നെന്ന പൊലീസ് പറഞ്ഞു. അടുത്തിടെയാണ് ജോലിക്കായി അഹമ്മദ് നഗറില്‍ എത്തിയത്. കഴിഞ്ഞ 20ന് മുംബൈയിലുള്ള ഭര്‍ത്താവ് വിളിച്ച് ഇനി ഒരുമിച്ചു ജീവിക്കാന്‍ താത്പര്യമില്ലെന്നും തലാഖ് ചൊല്ലുകയാണെന്നും അറിയിച്ചു.
ഭാര്യുടെ പരാതിയില്‍ മുത്തലാഖ് നിരോധന നിയമം അനുസരിച്ച് യുവാവിനെതിരെ കേസ് രജിസ്റ്റര്‍ ചെയ്തതായി അഹമ്മദ് നഗര്‍ ഭീനഗര്‍ കാംപ് പൊലീസ് അറിയിച്ചു.
ദമ്പതികള്‍ക്ക് മൂന്നു വയസുള്ള കുട്ടിയുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ