ന്യൂഡല്ഹി: ബിഹാറില് കേന്ദ്രമന്ത്രി രാംവിലാസ് പാസ്വാന്റെ മരണത്തെ തുടര്ന്ന് ഒഴിവുവന്ന രാജ്യസഭാ സീറ്റ് ബിജെപി ഏറ്റെടുത്തു. മുന് ഉപമുഖ്യമന്ത്രിയും ബിജെപി നേതാവുമായ സുശീല് കുമാര് മോദിയെ രാജ്യസഭാ സ്ഥാനാര്ഥിയായി ബിജെപി നാമനിര്ദേശം ചെയ്തു.
രാംവിലാസ് പാസ്വാന്റെ ഭാര്യ റീനയെ സ്ഥാനാര്ഥിയാക്കണമെന്ന എല്ജെപിയുടെ ആവശ്യം തള്ളിയാണ് ബിജെപി സ്ഥാനാര്ഥിയെ പ്രഖ്യാപിച്ചത്. ചിരാഗ് പാസ്വാന്റെ പാര്ട്ടിക്ക് രാജ്യസഭ സീറ്റ് നല്കുന്നതിനെ ജെഡിയു ശക്തമായി എതിര്ത്തിരുന്നു.
നീതിഷിന്റെ അടുത്തയാളായ സുശീല് കുമാര് മോദിക്ക് ഇത്തവണ ഉപമുഖ്യമന്ത്രി സ്ഥാനം നല്കാതിരുന്നത് ചര്ച്ചയായിരുന്നു. സുശീല് കുമാര് മോദിയെ കേന്ദ്രമന്ത്രിയാക്കുന്നതിന്റെ ഭാഗമായാണ് രാജ്യസഭയില് എത്തിക്കാന് ബിജെപി നീക്കം നടത്തുന്നതെന്നാണ് റിപ്പോര്ട്ടുകള്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ