ന്യൂഡല്ഹി: അതിര്ത്തിയില് ചൈനയുമായുളള സംഘര്ഷം തുടരുന്ന പശ്ചാത്തലത്തില്, ഇന്ത്യയുടെ അത്യാധുനിക മിസൈല് സാങ്കേതികവിദ്യയുടെ പരീക്ഷണം വിജയകരം. ശബ്ദാതിവേഗത്തില് സഞ്ചരിക്കുന്ന 'സൂപ്പര്സോണിക് മിസൈല് അസിസ്റ്റഡ് റിലീസ് ഓഫ് ടോര്പിഡോ (smart)' സംവിധാനമാണ് ഒഡീഷയിലെ വീലാര് ദ്വീപിലെ സംയോജിത പരീക്ഷണ കേന്ദ്രത്തില് നിന്ന് പരീക്ഷിച്ചത്.
നിശ്ചിത ഭ്രമണപഥത്തില് എത്തിയ ശേഷം മിസൈലില് നിന്ന് ടോര്പിഡോ വേര്പിരിയുന്നത് അടക്കമുളള വിവിധ ഘട്ടങ്ങളാണ് വിജയകരമായി നടന്നത്. ലക്ഷ്യം മുന്നിര്ത്തിയുളള ടോര്പിഡോന്റെ സഞ്ചാരത്തില് വേഗത കുറച്ച് നിയന്ത്രണം സാധ്യമാക്കുന്ന സംവിധാനവും പ്രതീക്ഷിച്ച പ്രകടനം കാഴ്ചവെച്ചതായി അധികൃതര് വ്യക്തമാക്കി. നൂതന സാങ്കേതികവിദ്യയുടെ വിജയകരമായ പരീക്ഷണത്തില് പ്രതിരോധ വകുപ്പിന് കീഴിലുളള ഗവേഷണ സ്ഥാപനമായ ഡിആര്ഡിഒയെ പ്രതിരോധമന്ത്രി രാജ്നാഥ് സിങ് അഭിനന്ദിച്ചു.
അന്തര്വാഹിനി വേധ സാങ്കേതികവിദ്യയില് ഇത് പുതിയ അധ്യായം കുറിക്കുമെന്ന് രാജ്നാഥ് സിങ് ട്വിറ്ററില് കുറിച്ചു. ഇതിന് പിന്നില് പ്രവര്ത്തിച്ച ഡിആര്ഡിഒ ശാസ്ത്രജ്ഞരെ രാജ്നാഥ് സിങ് അഭിനന്ദിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ